Ракометната репрезентација на Македонија вечерва го одработи последниот тренинг пред заминувањето за Алборг каде ја очекува нова пресметка со светскиот шампион Данска. Вчера Македонија со 33:29 ја совлада Данска, а еден од најзабележителните беше бекот на Вардар, Филип Талески со пет постигнати голови.

– Секоја критика е добредојдена. Мислам дека треба да ја сфатиме добронамерно. Некои работи се кажуваат во жар, во еуфорија. До мене доаѓаат и погрдни коментари, ама ги разбирам, знам како се чувствуваат и знам како е од навивачки аспект, како и желбата која сакаат да ја видат на терен од нас. Со Данска покажавме дека знаеме, можеме и дека оваа Македонија го нема кажано своето најдобро. Пред нас претстои многу работа и мора да го слушаме нашиот нов селектор Кирил Лазаров, кој секоја тактика што ја спреми, испадна паметна. Мора да ги спроведуваме неговите совети со секој противник, па на секој меч работите да бидат позитивни – изјави Талески.