Конклавата за избор на 267-миот поглавар на Римокатоличката црква започна денеска Ватикан околу 16:30 часот во Систинската капела. Пред тоа, се одржа свечена миса во базиликата „Свети Петар“.

„Седе ваканте“ – периодот кога столицата на папата останува празна, го најавува почетокот на конклавата, еден од најмистериозните избори во светот со вековна традиција. Од тој момент, управувањето со црквата со ограничени овластувања е оставено на коморникот на Римската црква, префектите на дикастеријата и колегиумот на кардинали.

Изборот на нов папа започнува 15 до 20 дена по смртта или оставката. Во тие денови има општи конгрегации на кардинали кои се собираат секој ден за да го подготват конклавот и да разговараат за состојбата и потребите на црквата .

По погребот, Кардиналскиот колегиум има само неколку дена да се собере во Рим. Не сите учествуваат во изборот на новиот папа, туку таканаречените кардинали и електори, кои мора да бидат помлади од 80 години и од кои, по правило, треба да има 120, што не е случај оваа година со 135 членови.

Првпат во историјата, Европејците ќе сочинуваат помалку од 50 проценти од вкупниот број на членови на ова гласачко тело. Сите области каде што ќе се одржи конклавата се темелно проверени за какви било уреди што би можеле да ја загрозат тајноста на процесот.

Денеска се очекува само еден круг гласање, по што со црн или бел чад кој ќе излезе од оџакот околу 19 часот ќе биде соопштен резултатот од првото гласање.

Доколку денеска не се избере нов Папа, што се проценува дека ќе биде тешко, кардиналите ќе се вратат утре наутро и ќе се одржуваат четири круга гласање секој ден (два наутро и два попладне) се додека не се избере нов понтиф.

Ватикан е преплавен со верници и туристи, како и обично, но денеска има бројни новинарски екипи и големо полициско обезбедување, пренесува Би-Би-Си.

Редовите за влез на плоштадот „Свети Петар“ се долги, а пристапот и бројот на луѓе што ќе бидат таму е ограничен, а поставени се и видео бимови.