Табела на медали: Кинезите ја стигнаа Јапонија, Хрватите додадоа уште едно злато
По завршувањето на натпреварувачкиот ден на Олимписките игри во Токио, Кинезите ја стигнаа Јапонија и заедно се на врвот на најуспешни нации со по освоени 15 златни медали. Кинезите имаат вкупно 31 освоен медал, 15 златни, седум сребрени и девет бронзени, додека Јапонија има 15 златни, четири сребрени и шест бронзени.
На третото место се наоѓа САД кој има освоено 14 златни медали, но по бројот на освоени медали се убедливо први со 38. Американците покрај 14 златни, имаат и 14 сребрени и десет бронзени медали.
На четвртото место се наоѓа Русија со вкупно 28 медали, од кои осум се златни, 11 сребрени и девет бронзени.
Од земјите во регионот, Хрватска благодарение на браќата Синковиќ кој триумфираа во веслање дојде до вториот златен медал, а згора на тоа имаат и бронзен медал.
Србија остана на четири освоени медали, по едно златно и сребро и две бронзи.
Македонија исто така се наоѓа на листата на освојувачи на медали благодарение на Дејан Георгиевски кој го освои сребрениот медал во таеквондо.