СЗО: Омикрон претставува многу висок глобален ризик

EPA-EFE/LAURENS BOSCH

Новиот сој на коронавирусот, омикрон веројатно ќе се шири на меѓународно ниво, што претставува „многу висок“ глобален ризик каде што зголемувањето на случаите на ковид-19 може да има „тешки последици“ во некои области, соопшти денеска Светската здравствена организација (СЗО).

Агенцијата на Обединетите нации, во техничкиот совет во кој членуваат 194 земји-членки, апелираше ТИЕ да го забрзаат вакцинирањето на групите со висок приоритет, пренесува Ројтерс.

– Омикрон има бројни мутации чиј број е голем, од кои некои мутации се загрижувачки поради нивното потенцијално влијание врз текот на пандемијата, соопшти СЗО.

– Вкупниот глобален ризик поврзан со омикрон, нова варијанта на загриженост, се оценува како многу висок, додаде СЗО.

Понатаму се наведува дека се потребни дополнителни истражувања за подобро да се разбере потенцијалот на омикрон за да се избегне заштитата на имунитетот што произлегува од вакцините и претходните инфекции, како и да се очекуваат уште повеќе податоци за овој вид во наредните недели.

Видео на денот