СЗО едвај добила основни информации за Ковид-19: Тајни снимки откриваат како Кина го прикрила вирусот?
Кина дури на 20 јануари призна дека коронавирусот е заразен, а на 30 јануари СЗО прогласи глобална опасност.
Иако од Светската здравствена организација (СЗО) на почетокот го пофалија Пекинг, сепак снимки од интерни состаноци во СЗО покажуваат дека оваа организација едвај ги добила со најпотребните информации за коронавирусот од Кина, на самиот почеток од пандемијата.
На снимките од тој состанок, во кои агенцијата АП имала увид, се прикажани претставници на организацијата како на 6 јануари се жалат дека Пекинг не ги споделува со светот потребните податоци за да се процени ризикот кој го претставува вирусот за останатиот дел од планетата.
Кина дури на 20 јануари призна дека коронавирусот е заразен, а на 30 јануари СЗО прогласи глобална опасност.
– Работиме со многу малку информации. Тоа никако не е доволно за да подготвиме план – порача Марија Ван Керхова, епидемиолог и технички директор на СЗО за време на пандемијата на Ковид-19.
Шефот на СЗО во Кина, Гуаден Галеа, на една од снимките вели дека од Кина добиваат информации 15 минути пред да бидат објавени на ЧТВ.
Како што се наведува, овој извештај пристигнува во моменти на растечко незадоволство на меѓународната заедница, поради кинеската реакција на коронавирусот и почетокот на независната истрага за потеклото на вирусот, кој досега зарази над шест милиони луѓе и уби повеќе од 375.000 луѓе во целиот свет.
ПРОЧИТАЈТЕ: Билд објави таен извештај: Кина лажеше за коронавирусот! Коронавирусот е адаптиран да инфицира луѓе: Дали тоа е случајност или е виновен човечки фактор? Разузнавачките агенции го вперија прстот во Кина: ЦИА тврди дека со закани бил вршен притисок врз СЗО! Лабораториска грешка или контроверзна прехрамбена навика? Што се крие зад теоријата на Трамп околу вмешаноста на Кина и коронавирусот? Шокантен извештај на германските разузнавачи: Си Џинпинг барал од СЗО да сокрие факти за коронавирусот