Билд објави таен извештај: Кина лажеше за коронавирусот
Кина наводно лажела за епидемијата за да ги купи залихите од заштитни маски на меѓународниот пазар пред тие да станат најбарана роба.
Така барем тврди американскиот таен извештај кој го објави германскиот таблоид Билд, а за вакви обвинувања пред неколку дена пишуваше и Си-Ен-Ен. Станува збор за четири страни од таен извештај на американската Канцеларија за национална безбедност во кои се наведува дека Кина го измами светот и ги криела информациите за коронавирусот за да собере заштитна опрема пред остатокот од светот.
Неговата содржина сугерира дека Кина ја криела епидемијата на коронавирусот за да се снабди со санитарни производи, меѓу нив и заштитните маски. Билд наведува дека Кина намерно ја намалувала опасноста од вирусот на почетокот на јануари. Во исто време значајно го зголемиле увозот на медицинска опрема и драстично го намалиле извозот.
Истиот извештај вели дека Пекинг, за неприметливо да си осигура простор за маневар со купување на тие производи, со доцнење објавил податоци за тоа. Нарачувале голема количина на заштитни маски, ракавици и хируршки мантили, како и други санитарни материјали кои се потребни во борбата против ширењето на заразата.
Исто така, никој во Светската здравствена организација не бил запознаен со настаните во Кина во време на почетокот на пандемијата. Кина ги замолчи и лекарите кои на почетокот на јануари кои се обидоа да ја предупредат јавноста за појавата на новиот тип на коронавирус, пишува Билд.
Една од последниците на кинеското однесување е и недостигот на заштитна опрема на светските пазари што ја отежна борбата против вирусот во земјите како Италија и Шпанија, пишува Билд.
Ова не е прв пат германскиот таблоид да пишува дека Кина лажела за коронавирусот. Минатиот месец, уредникот на „Билд“ Јулијан Рајхелт јавно упати критики до кинескиот претседател Си Џипинг, велејќи дека најголемиот кинески извозен хит е коронавирусот.