Светските лидери изразија вознемиреност откако вооружен човек упадна на гламурозна медиумска гала во Вашингтон, на која присуствуваше американскиот претседател Доналд Трамп. Тие изразија олеснување што нападот не бил фатален.

Американските агенции за спроведување на законот соопштија дека единствениот осомничен бил вооружен со „пушка, пиштол и неколку ножеви“. Тој е приведен и ќе се појави пред федералниот суд в понеделник.

ВИДЕО | Се појавија снимки од апсењето на напаѓачот на вечерата на Трамп – Слободен печат

Британскиот премиер Кир Стармер рече дека е „шокиран од сцените на вечерата на дописниците од Белата куќа во Вашингтон“.

I am shocked by the scenes at the White House Correspondents’ Dinner in Washington overnight.

Any attack on democratic institutions or on the freedom of the press must be condemned in the strongest possible terms.

It is a huge relief that @POTUS, the First Lady and all those…

— Keir Starmer (@Keir_Starmer) April 26, 2026

„Секој напад врз демократските институции или врз слободата на печатот мора да биде осуден на најсилен можен начин“, напиша Стармер на „Икс“.

Израелскиот премиер Бенјамин Нетанјаху рече дека тој и неговата сопруга Сара се „шокирани од обидот за атентат“ врз Трамп.

Sara and I were shocked by the attempted assassination of President @realDonaldTrump last night in Washington, DC. We are relieved that the President and the First Lady are safe and strong. We send our wishes for a full and speedy recovery to the wounded police officer and salute…

— Benjamin Netanyahu – בנימין נתניהו (@netanyahu) April 26, 2026

„Ни олесна што претседателот и првата дама се безбедни и здрави. На повредениот полицаец му посакуваме целосно и брзо закрепнување и ја поздравуваме Тајната служба на САД за нејзиниот брз и решителен одговор“, напиша Нетанјаху на „Икс“.

Германскиот канцелар  Фридрих Мерц соопшти дека е длабоко потресен од настанот.

„Насилството нема место во демократијата. Одлуките ги носиме со мнозинство, а не со оружје“, напиша лидерот на ЦДУ на социјалната мрежа Икс. Тој додаде дека го осудува обидот за атентат во Вашингтон и изрази олеснување што претседателот Трамп, првата дама Меланија Трамп и сите присутни се на безбедно.

Францускиот претседател  Емануел Макрон  исто така порача дека „насилството нема место во демократијата“ и истакна дека му дава целосна поддршка на Доналд Трамп, оценувајќи го нападот како неприфатлив.

The armed attack targeting the President of the United States last night is unacceptable. Violence has no place in a democracy. I extend my full support to Donald Trump.

— Emmanuel Macron (@EmmanuelMacron) April 26, 2026

Италијанската премиерка Џорџа Мелони изрази сочувство до Трамп и до сите присутни на настанот.

Desidero esprimere la mia piena solidarietà e più sincera vicinanza al Presidente Trump, alla First Lady Melania, al Vice Presidente Vance e a tutti i presenti per quanto accaduto alla cena dei Corrispondenti della Casa Bianca di ieri sera.

Nessun odio politico può trovare…

— Giorgia Meloni (@GiorgiaMeloni) April 26, 2026

„Ниту една форма на политичка омраза не смее да најде простор во нашите демократии. Нема да дозволиме фанатизмот да ги труе местата на слободна дебата и информирање“, напиша таа.

Индискиот премиер Нарендра Моди исто така го осуди насилството во Вашингтон.

„Им испраќам најдобри желби за нивна безбедност и благосостојба. Насилството нема место во демократијата и мора безусловно да се осуди“, напиша Моди на „Икс“.

Relieved to learn that President Trump, the First Lady and Vice President are safe and unharmed following the recent security incident at a Washington DC hotel. I extend my best wishes for their continued safety and well-being. Violence has no place in a democracy and must be…

— Narendra Modi (@narendramodi) April 26, 2026

Со порака се огласи и канадскиот премиер Марк Карни, кој исто така рече дека му е мило што претсдателот Трамп, но и сите гости се безбедни.

„Политичкото насилство нема место во ниедна демократија. Моите мисли се со сите што беа потресени од овој вознемирувачки настан“, напиша Карни на „Икс“.

I am relieved that the President, the First Lady, and all guests are safe following reports of gunfire at the White House Correspondents’ Dinner in Washington tonight.

Political violence has no place in any democracy and my thoughts are with all those who have been shaken by…

— Mark Carney (@MarkJCarney) April 26, 2026

Мексиканската претседателка Клаудија Шајнбаум порача дека „добро е што претседателот Трамп и неговата сопруга се безбедни по неодамнешните настани. Им изразуваме почит“.

„Насилството никогаш не треба да биде начин“, додаде Шајнбаум.

Шпанскиот премиер Педро Санчез го осуди „нападот врз претседателот Трамп“.

Condenamos el ataque que se ha producido esta noche contra el presidente @realDonaldTrump.

La violencia nunca es el camino. La humanidad solo avanzará a través de la democracia, la convivencia y la paz.

— Pedro Sánchez (@sanchezcastejon) April 26, 2026

„Насилството никогаш не е одговор. Човештвото ќе напредува само преку демократија, коегзистенција и мир“, напиша Санчез на „икс“.

Пакистанскиот премиер Шехбаз Шариф изјави дека е „длабоко шокиран од вознемирувачкиот инцидент со пукањето“.