Тимот составен од странски кошаркарки кои настапуваат во македонското првенство извојува победа над селекцијата „Македонија“ на женскиот олстар-меч, одигран во рамки на програмата во СРЦ „Кале“. Натпреварот заврши со резултат 91:79 во корист на екипата „Светот“.

Најзаслужна за победата беше кошаркарката на Крива Паланка, Алексис Пул, која со одлична партија од 27 поени и шест скокови го понесе МВП-признанието како најдобра поединка на средбата.

Во паузата меѓу натпреварите, публиката имаше можност да го проследи и натпреварувањето во шутирање тројки во женска конкуренција. Победничка беше Сара Максимовска од Баскет Камп, која во финалето беше поуспешна од Ива Чолакоска од екипата на Бадел 1862.