Супербол спектакл: Шампионот Канзас сити против Том Брејди и Тампа во финалето

epa08189525 Kansas City Chiefs quarterback Patrick Mahomes celebrates after the go-ahead touchdown against the San Francisco 49ers in the fourth quarter of their National Football League Super Bowl LIV at Hard Rock Stadium in Miami Gardens, Florida, USA, 02 February 2020. EPA-EFE/LARRY W. SMITH

Актуелниот шампион Канзас сити чифс ќе игра во 55. издание на Супербол откако во финалето на Американската конференција го совладаа Бафало билс со 38:24.

Патрик Махомс имаше 29 точни додавања за 325 јарди и три тачдауни, а се истакна и Тревис Келси со два тачдауни.

Противник на Канзас сити во битката за трофејот во НФЛ лигата ќе биде Тампа Беј баканирс која во финалето на Националната конференција го победи Грин Беј пекерс со 31:26.

Том Брејди//EPA-EFE/TANNEN MAURY

Ова за Том Брејди ќе биде 10. настап во Суперболот, прв со Тампа Беј откако претходно девет пати настапи со Њу Ингланд и шест пати ја освои титулата.

Канзас сити ќе има шанса да ја одбрани титулата која ја освои минатата година кога го совлада Сан Франциско и доколку успеаат да триумфираат, ќе станат првиот тим кој ја одбранил титулата по Њу Ингланд патриотс на кого тоа му појде од рака во 2004 и 2005 година.
55. издание на Супербол ќе се игра на 7. февруари во Тампа.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот