Сугарески: Капиталните инвестиции во ресорот транспорт годинава над ланската реалзиација од 86 проценти
И покрај кризата сите проекти ќе бидат целосно реализирани, истакнува министерот за транспорт и врски..
Министерот за транспорт и врски Горан Сугарески соопшти дека очекува во наредните месеци целосно да биде рехабилитирана делницата Ќафасан – Струга, за која вели дека е една од клучните делници во државата.
Тој вели дека се работи и на автопатот Кичево-Охрид и најави дека дел од оваа делница наесен ќе биде пуштена во употреба.
Со ова тој очекува годинава капиталните инвестиции во секторот транспорт и врски да ја надминат ланската реализација од 86 отсто.
– Апсолутно целата динамика во делот на реализација на капиталните инвестиции продолжува. Ресорот транспорт согласно она што го има како реализација од ден на ден се повеќе ги зголемува капиталните инвестиции и ако видиме дека ланската година имаше 86 проценти реализација, ресорното Министерство и Јавното претпрјатие за државни патишта, очекувам оваа година да биде над тоа. Сите проекти и покрај здравствената криза која се уште ја имаме одат целосно и ќе бидат реализирани. Очекувам проектите што во голем дел ги започнавме до крајот на годината да бидат реализирани, а исто така и оние проекти коишто очекуваме во наредниот период да почнат до крај на годината или во почетокот на наредната година да бидат завршени, рече Сугарески.