Судот за спортска арбитража во Лозана го потврди намалувањето на казната на фудбалерот на Јувентус, Пол Погба.

Претходно, играчот од средниот ред поднесе жалба до судот, со која го оспори 4-годишното исклучување поради прекршување на антидопинг правилата.

Судот во Лозана официјално соопшти дека жалбата на Погба е делумно уважена. Организацијата утврдила дека Французинот ги прекршил антидопинг правилата, но му го намалил рокот на казната од 4 години на 18 месеци.

Позитивниот допинг тест е резултат на погрешно земање суплемент што му го препишал лекар од Флорида. Во исто време, фудбалерот добил уверување од докторот дека е запознаен со антидопинг правилата и ќе ги применува во работата со фудбалерот. Претставниците на Пол Погба побараа од судот во Лозана да го намали периодот на дисквалификација на 12 месеци.

Стручната комисија која го испита случајот се согласи со повеќето аргументи на Погба, но сметаше дека фудбалерот требало „да биде повнимателен“.

Покрај намалувањето на казната, Судот за спортска арбитража ја укина и казната од 5.000 евра изречена на играчот на Јувентус.