Паненка има 72. години и спаѓа во ризичната група и поради тоа е префрлен на одделот за интензивна нега, објави чешкиот прволигаш Бохемијанс 1905, клуб во кој Паненка е директор.

„Антонин Паненка во сериозна здравствена состојба е однесен на одделот за интензивна нега. Не сакаме да коментираме за неговата состојба. Тонда, бори се“, објави Бохемијанс 1905.

Паненка во својата професионална кариера постигна повеќе од 300 гола, а еден го прослави и го запиша во историските книги на фудбалот. Пред 44 години, Паненка и ја донесе европската титула на Чехословачка. Во финалето против Западна Германија во последната пенал серија, тој го надмудри Сеп Маер со изведување на сега најпознатиот пенал во историјата.
Маер се фрли на страна, а Паненка само ја поткопа топката која влезе во мрежата по средина на голот и оттогаш тој пенал се нарекува „Паненка“.

– По тренинзите во Бохемијанс често останував и заедно со голманот вежбав изведубање на пенали. Игравме за чоколадо или чашка пиво бидјеќи знаев дека е одличен голман и се друго ќе беше скап облог. Пред спиење дојдов на идеја како да го изведам тој пенал, почнав да го тестирам на тренинзите и полека да го применувам. Во финалето против Западна Германија избрав да шутирам така бидејќи сфатив дека тоа беше најлесен и наједноставен начин да постигнам гол – зборуваше Паненка во минатото за легенданриот пенал.