Стиви Вондер повеќе не сака да живее во САД: „Се селам во Гана, не сакам моите внуци да ги молат луѓето да ги почитуваат“
Еден од најнаградуваниот музичари во светски рамки, Стиви Вондер, реши да ја напушти Америка и да се пресели во Гана затоа што „не сака повеќе да чека“.
Препорачано
Имено, легендарниот музичар зборуваше за својата одлука во интервјуто за емисијата на Опра Винфри, изјавувајќи дека причина за неговиот потег е неповолната политичка ситуација во САД.
View this post on Instagram
– Не сакам децата на моите деца да продолжат да ги молат луѓето да ги сакаат и да ги почитуваат. Се надевам дека работите ќе се променат во Соединети Американски Држави за граѓаните со темна кожа, но не сакам да го чекам тоа, рече тој.
На прашањето дали ќе се пресели во Гана засекогаш, Стиви одговори – „да“.
Пејачот веќе неколку пати размислувал да се пресели во таа западноафриканска земја, пишува Си-Ен-Ен.
Уште во 1994 година, тој изјавил дека чувствува повеќе припадност во Африка отколку во САД.
Стиви е роден во 1959 година во Мичиген, а научил да свири пијано, тапани и хармоника кога имал само девет години.
Досега има освоено 25 Греми, а номиниран е за бројни награди дури 74 пати.
