Стил на неделата: Валентина Дисоска, претседателка на Здружение на бизнис жени
Тања Томиќ, авторка на книгата „Менаџмент на човечки ресурси во политичките партии“ за „Женски печат“ одбра стил на неделата, а според неа тоа е Валентина Дисоска, претседателка на Здружение на бизнис жени.
– Валентина Дисоска е пионерка во промовирање на економското јакнење на жените и женското претприемништво. Започна со формирање Здружение на бизнис жени во 2010, кога беше научна фантастика да се спомне женско претприемништво, а камоли да биде препознаено за да се работи на него. Оттогаш, успеа во соработка со други здруженија и институции да искреира Национална стратегија за женско претприемништво, на која носител е Министерството за економија. Нејзиниот придонес во јакнењето на капацитетите на жените и претприемачките е исклучително голем. Првиот проект кој го работеше „Женското претприемништво – мотор за креирање на нови работни места“ придонесе за вмрежување и јакнење на жените претприемачки во целиот регион на Југоисточна Европа. Таа е пример за успешна жена во претприемништво, но и за женска солидарност и неуморна мотиваторка, вели Тања Томиќ, авторка на книгата „Менаџмент на човечки ресурси во политичките партии“.