Стартува Премиер лигата, ќе се користи и ВАР технологијата
Денеска со дуелот на „Енфилд“ стадионот помеѓу Ливерпул и Норич од 21.00 часот ќе стартува новата сезона во англиската Премиер лига.
Актуелниот шампион Манчестер сити в сабота ќе ја започне одбраната на титулата на гостински терен против лондонски Вест Хем. Во првото коло од сезоната 2019/20 вицешампионот на Европа, Тотенхем се сретнува со Астон Вила која се врати во елитата.
IT'S MATCHDAY!#PL pic.twitter.com/yrzPnE8Y8L
— Premier League (@premierleague) August 8, 2019
В недела Арсенал ќе игра против Њукасл, додека Манчестер јунајтед на „Олд Трафорд“ ќе се соочи со Челзи во дербито на стартната премиерлигашка рунда.
Лондонските „сини“ како освојувачи на Лига Европа ова лето како нов менаџер го ангажираа еден од славните фудбалери на клубот, Френк Лампард, како замена за Маурицио Сари.
⚡️ #PL legend @alanshearer gets to grips with VAR ?https://t.co/k0XCxTsjke
— Premier League (@premierleague) August 9, 2019
Оваа сезона во Премиер лигата за првпат доаѓа и новата видео технологија која ќе им помогне на судиите во донесувањето на правилни одлуки (ВАР).
Германскиот „Трансфермаркт“ објави дека Премиер лигата е најскапата лига во Европа кога се во прашање играчите, чија вкупна вредност се проценува на 9,2 милијарди евра.
За првпат од своето формирање на лигата донесена одлука да има пауза од 8 до 15 февруари 2020 година.
Премиер лига 2019/2020
Двојки, прво коло:
Петок
Ливерпул-Норич (21.00 часот)
Сабота
Вест Хем-Манчестер сити (13.30)
Борнмут-Шефилд јунајтед (16.00)
Барнли-Саутемптон (16.00)
Кристал Палас-Евертон (16.00)
Ватфорд-Брајтон (16.00)
Тотенхем-Астон Вила (18.30)
Недела
Њукасл-Арсенал (15.00)
Манчестер јунајтед-Челзи (17.30)