„Старата дама“ блиску до важен потпис, останува една најголемите ѕвезди во Јуве
Јувентус не ја започна најдобро сезоната во Серија А, после пет кола има само една победа со пет бодови на дури 13 позиција.
Играчите предводени од тренерот Масимилијано Алегри се во голема резултатска криза, но денеска во „морето“ на лоши вести, се појави една добра.
Како што известува добро информираниот експерт за фудбалски вести и трансфери, Фабрицио Романо на својот Твитер профил, „Старата дама“ е блиску до важен потпис во Торино.
– Јувентус е блиску до комплетирање на нов договор со Пауло Дибала. „Преговараме на правиот пат, оптимисти сме“ , потврди потпретседателот на клубот, Павел Недвед – објави Романо.
Воедно повеќекратниот италијански шампион преговара и за продолжување на соработката со Хуан Квадрадо.