Што да правите со преостанатите велигденски јајца? Рецепт за превкусна салата од варени јајца и сланина
Општопознато е дека повеќето домаќинки готват значително поголема количина јајца од вообичаеното за Велигден. Вапсањето јајца е еден од најубавите традиционални обичаи, а децата особено им се радуваат.
Препорачано
Сепак, она што станува „проблем“ по самиот празник е што да се прави со преостанатите јајца, а неизбежно е одредена количина секојпат да остане неискористена.
За среќа, постојат неколку начини да ги искористите варените јајца, а еден од најдобрите се дефинитивно рецептите. Особено кога не бараат премногу мака и носат уште повкусни јадења.
Состојки:
– 200 г месеста сланина
– 4 тврдо варени јајца
– 100 г печени семки од сончоглед
– 1 чаша павлака
– 2 лажици мајонез
– 1 китка магдонос
– сол, бибер
Подготовка:
Исечете ја сланината на коцки, па испржете ја. Кога ќе биде готова, извадете ја на хартиена крпа да се исцеди и да се излади. Соединете ги павлаката, мајонезот, семките од сончоглед, трите сечкани јајца и магдоносот, зачинете по вкус и на крај додајте ја изладената сланина. Декорирајте со парчиња од преостанатото јајце.
