Македонската танчарка Мила Србиноска, која е членка на танцовиот клуб „Брејк а лег“ од Скопје, освои сребрен медал на Европското првенство на Меѓународната танцова организација (IDO) во „Битката на сите стилови“ (All Style Battles), кое се одржува од 1 до 7 јуни 2026 година во Клагенфурт, Австрија.

Во исклучително силна конкуренција составена од најдобрите европски танчари, Србиноска успеа да стигне до големото финале и да ја освои титулата европски вицешампион во категоријата „Хип-хоп битка соло јуниор“ (Hip Hop Battle Solo Junior), уште еднаш потврдувајќи го својот статус на една од најуспешните танчарки во Европа.

Овој успех претставува продолжение на нејзината импресивна меѓународна кариера. Србиноска во 2024 година ја освои и светската шампионска титула во хип-хоп.

– Од светска шампионка до европска вицешампионка – Мила продолжува да ги поместува границите и да инспирира нови генерации танчари со својата работа, посветеност и борбен дух – пишува во официјалната објава на танцовиот клуб „Брејк а лег“.