Српските медиуми неодамна објавија вест дека млади лица сè повеќе бараат да се оженат за Албанки, па дури и се подготвени да платат одредена сума пари, при што, како што се наведува 900 од нив веќе изразиле желба за таков брак.

Албанските девојки кои стапуваат во брак со Србите се главно од северот на Албанија, а за стапување во брак со една невестата се плаќа до 4.000 евра. Само во подрачјето на Рашка, Пештер, Голија, Јавор и Јадовик, над 150 Албанки се омажиле за Срби и тие веќе основале семејства со многу деца. Додека, ваквите бракови се склучуваат и во Косово. Социјален работник во Србица за косовската агенција „Индексонлајн“ изјави дека има пет вакви случаи во две села во оваа општина. Според овој извор овие Албанки, дури и одбиваат да зборуваат албански.

– Јас сум социјален работник и врз официјалната задача се занимавам со нив. Залудно, тие одбиваат да зборуваат албански. Имаме две српски села и јас работам со нив скоро секој ден. Знам за четири случаи, но слушнав дека има уште еден, сите тие се роднини на писателот Миѓени кои потекнуваат од Врака – изјавил изворот. Службеникот за социјални работи посочува дека тие се православни.

– Jaс се занимавам со семејни проблеми. Тие се во брак со социјални случаи, но ги купиле како стока, со посредници или трговци со луѓе. Но голема улога игра и православната црква во Врака, Скадар. Но најтешкото е дека Албанки од исламска вероисповест се во брак со Срби во Северните општини. Нивните сопрузи се многу задоволни со нив затоа што тие се многу вредни – додава тој.

Инаку, според албанските медиуми, постои една организација која посредува гратис за браковите и патувањата на Србите во Албанија. Дури во Скадар, постои и агенција каде Србите плаќаат 3-4 илјади евра за албанска невеста, пренесува Газета Експрес.