Спречете ја појавата на карцином со редовно внесување селен
Селенот е есенцијален микронутритиент, односно минерал што е исклучително важен за нашето здравје и нашиот организам и исто така многу потребен за создавање селенопротеини, кои пак имаат улога да ги чуваат кислородните ќелии во нашиот организам кои имаат улога да го одржуваат целиот наш организам во живот.
Сепак и покрај тоа што селенот е исклучително важен за нашиот организам да биде здрав и полн со енергија, за него многу малку се говори и не му се дава потребното значење и внимание што го заслужува.
Токму поради реалната потреба од негово внесување во нашиот организам преку исхраната но и преку одредени додатоци во неа, секој од нас треба да ги знае и придобивките што ќе ги почувствува доколку редовно го консумира.
Го зајакнува имунолошкиот систем
Селенот е есенцијален минерал што многу придонесува за зајакнување на имунитетот. Овој минерал е исто така и многу важен за производство на одредени ензими, кои имаат заштитна улога на клетките во човечкиот организам.
Токму поради ослабнувањето на имунитетот, кој може да биде резултат на намалено количество селен во организмот, многу луѓе се склони кон хронична настинка и грип.
Ја подобрува работата на мозокот и помага во помнењето
Краткорочниот и долгорочниот проблем со помнењето, како и ослабнатиот фокус и лошата концентрација, можат да укажуваат на недостатокот на овој важен минерал во вашето тело. Токму затоа, потребно е постојано, со текот на годините, да ја зголемувате потребната доза селен. На тој начин, иако стареете, можете да ја намалите можноста за губење на памтењето, лошата меморија, забавеното размислување…
Штити од појава на карцином
Селенот е исклучително важен минерал, кој во себе содржи изобилство антиоксидантни микронутритиви. Со негово редовно внесување во организмот, вие ќе се чувствувате подмладено, поради регенерацијата на вашите клетки што ќе им ја направи овој минерал, но и во голема мера ќе се заштитите себеси од појава на одредени сериозни заболувања, меѓу кои и карциномот. Исто така, многу важно е да се напомене и дека, доколку веќе сте заболени од рак, со континуирано консумирање селен, можете да му помогнете на вашето тело да го стопира ширењето на оваа болест, која доколку не се открие навреме, може да биде смртоносна независно од тоа кој дел од вашето тело е заболен.
Според податоците добиени од едно истражување, кое е направено со тестирање пациенти во Германија кои се лекувале во тамошните болници, пациентите што редовно консумирале селен, а веќе имале рак на одредени органи, имале дури 60 отсто поголеми шанси да преживеат, споредбено со пациентите што избегнувале да внесуваат селен во својот организам.
Како најефикасен, селенот се покажал кај оние пациенти што веќе биле заболени од рак на белите дробови или имале рак на простатата.
Покрај тоа, селенот игра исклучителна улога и во борбата со појавата на ракот на градите.
Ја подобрува плодноста и кај мажите и кај жените
Отежнатото зачнување или пак намалената функција на сперматозоидите, исто така можат да бидат поврзани со намаленото присуство на селен во нашиот организам. Зголемениот недостаток на селен може да доведе до 100-процентна неплодност и кај мажите но и кај жените, работа која се разбира никој не ја посакува. Одредени истражувања околу улогата која ја има селенот, а е поврзана со нашиот репродуктивен систем, покажале дека со негово редовно консумирање во доволни количини, може и до 90 отсто да ја намали можноста за спонтан абортус.
Го зајакнува срцето и крвните садови
Малата количина селен во нашиот организам значително го зголемува ризикот од кардиоваскуларни заболувања. Доколку се знае и дека овој минерал има и антивоспалителна функција, тогаш вашето срце и крвни садови како и нормалниот проток на крв во нив, ќе биде загарантирано со редовна употреба на овој минерал.
Ја регулира работата на штитната жлезда
Овој минерал исто така многу помага во редовно произведување на хормоните на штитната жлезда. Дополнителниот внес на селен, ќе помогне вашата Тироидна жлезда нормално да функционира, да ги произведува редовно и во доволна мера сите потребни хормони, но и да си ја задржи структурата.