Спортските натпревари во Македонија повторно со публика на трибините
Повеќе од една и пол година поради пандемијата на коронавирусот во Македонија, но и пошироко, се одржуваат спортските натпревари без присуство на публика.
Во меѓувреме веќе во добар дел од останатите земји веќе присуствуваат верни љубители на спортот во салите и стадионите во ограничен број, но и воедно со почитување на мерките.
Денеска Министерот за здравство, Венко Филипче ја информираше јавноста дека ќе се дозволи присуство на гледачи на еден дел од спортските натпревари (за што имаше специфични барања) во Македонија, значи со враќање на публиката и неофицијалните лица, нешто што досега не беше дозволено.
Воедно донесена е одлуката за отворање на фитнес центрите и теретаните.
Сето ова доаѓа како дополнување на најавените препораки од Комисијата за заразни болести, за организирање на настани на отворено и затворено со почитување на протоколот од 2020 година, односно присуство на 30% од целосниот капацитет.