Производителот на познатиот бренд на блендери „Вита-Микс“, објави дека постои ризик од исеченици во садовите за мешање на два модели на блендери, според националниот систем НЕПРО за брза размена на информации за опасните производи. Производот не се повлекува, но потрошувачите се повикуваат да престанат да го користат блендерот и да се пријават за да добијат комплет за поправка – заштитна пластична обвивка, која треба да се закачи преку основата со сечилата. Производот тежи од 0,1 до 0,5 килограми и е изработен од тритан пластика и полипропилен, пишува Н1.

„Производителот утврди дека теглата за блендер може да се одвои од основата со сечилата, што може да претставува ризик од исеченици за лицето што го користи“, се вели на веб-страницата на НЕПРО.

Производителот, наводно, ќе обезбеди комплет за поправка – заштитна пластична обвивка – што ќе се закачи преку основата со сечилата. „На потрошувачите им се советува да престанат да го користат производот и да се регистрираат за да добијат комплет за поправка“, се наведува на веб-страницата на регистарот НЕПРО. Увозник на производот е фирмата „Енцита“ д.о.о. од Белград.