Си-ен-ен објави листа со 24 најдобри салати во светот, а меѓу нив се најде и шопската салата, една од омилените на луѓето ширум нашиот регион. Балканците за неа знаат да кажат дека е „кралица на летните оброци“, пренесува „Бука“.

Имено, шопската салата е традиционално бугарско јадење, кое потекнува од околината на Софија. Името доаѓа од бугарското население Шопи, кое живее во близина на Софија.

Крцкава и шарена, Шопската салата се прави од зрели домати, краставици, печени пиперки, кромид и бело сирење, сите зачинети со маслиново масло и оцет. Боите на состојките го симболизираат бугарското знаме, а вкусот и едноставноста ја прават неопходна летна храна во регионот.

Си-ен-ен истакнува дека салатите го одразуваат духот и идентитетот на земјата, а шопската салата, иако има бугарско име, има легендарен статус речиси насекаде на Балканот.

На листата се најдоа и грчката хориатики, италијанската панзанела, француската нисоаз, американските Коб и Цезар, либанската табуле, тајландската сом там, како и јапонската суномоно – но Балканот веќе ја има својата ѕвезда.