Ревијата за литература, култура и уметност „Стожер“ на Друштвото на писателите на Македонија во текот на 2026 година одбележува јубилеј три децении постоење и објавување домашно и светско книжевно, културно и уметничко творештво, три децении печатено претставување на македонската и на светската книжевност и култура.

Првиот број на „Стожер“ во јубилејната 2026 година содржи: уводник од Марина Мијаковска, главна и одговорна уредничка на „Стожер“; осврти (17) за добитничките дела и за делата на финалистите на конкурсот за годишните награди на ДПМ за 2025 г.; промоција на збирка автобиографски раскази „Она што се памети живее“ (едиција „Амаркорд“ на ДПМ); разговор на Тони Димков со добитниците на годишните награди на ДПМ за 2024 година.

Ревијата содржи и необјавена поезија од Виолета Танчева-Златева и од Васо Николовски, необјавени раскази од Димитар Пандев, Драгана Евтимова, Ирена Јурчева, Ана Бунтеска и Марија Воденска, објавена песна од Славко Јаневски, објавени раскази од Живко Грозданоски, книжевни осврти од Сузана В. Спасовска, Линдита Ахмети и Ерол Туфан, студија од Ели Маказлиева; сеќавање на Георги Сталев Поповски, сеќавање и поезија од Славица Гаџова-Свидерска, Димо Наум Димчев, Тихомир Јанчовски и Ванѓелко Лозановски; избор фотографии од архивата на НУБ „Св. Климент Охридски“ од Скопје.

(Текстот е објавен во „Културен печат“ број 328, во печатеното издание на весникот „Слободен печат“ на 10-13.4.2026)