Камерен концерт со наслов „Вокално пијанистички рецитал“ на Мирела Ди Вита – сопран и Сена Фини – пијано (Италија) на 19 јули (недела), со почеток во 20:30 часот ќе се одржи во „Салон 19:19“ при Културно-информативниот центар во Скопје.

Настанот претставува елегантно музичко патување низ европската лирска традиција, во кое гласот и клавирот се спојуваат во суптилен и изразен дијалог.

Програмата ги обединува романтичните минијатури на Шуман и поетиката на Григ со префинетата италијанска кантилена и шпанската експресивност. Преку дела од Белини, Верди, Гранадос, Тости и Пучини, концертот открива богата палета на чувства и стилски нијанси. Музичката вечер ќе биде исполнета со рафинирана интерпретација и безвременска лирска убавина.

Настанот е во соработка со фестивалот „Модоарс“, известија од фестивалот „Скопско лето“.