Сузана Васиљевиќ, советничка за медиуми на српскиот претседател Александар Вучиќ, изјави дека алокацијата на Амбасадата на Србија од Тел Авив во Ерусалим не е конечна и ќе зависи од односот на Израел по прашањето на Косово, пренесува агенцијата „Танјуг“.

Таа потсети дека српкиот претседател, на конференцијата на американско-зиарелскиот комитет (АИПАЦ) што се одржа во март во САД, најави дека Србија ќе отвори канцеларијата на Стопанската комора и државни канцеларии.

– Допрва ќе се разговара за натамошните чекори што ќе зависат од постапките на Израел. Засега ништо не сме прифатиле и ништо не сме потпишале. Таа точка е во документот на Приштина, но и во документот на Србија“, изјави Васиљевиќ за ТВ „Прва“, пренесува „Танјуг“.