Стотици жени во бела облека и со бели рози и други цвеќиња во рацете формираа „жив синџир” на Плоштадот Комаровски во Минск, во знак на солидарност со повредените за време на протестите изминатите денови во Белорусија.

Полицијата побара жените, претежно млади девојки, да се разотидот, што тие и го направија, но набрзо се вратија на плоштадот.

Тие се држат за раце и извикуваат „веруваме, можеме, ќе победиме”.

Протестите во Белорусија почнаа вечерта на 9 август, откако актуелниот претседател Александар Лукашенко прогласи победа на претседателските избори.

Протестите продолжија во понеделникот и вторникот, при што беа уапсени неколку илјади демонстранти, едно лице е убиено кога се обидело да фрли експлозивна направа кон полициските сили и која експлодирала во неговата рака.

Главниот противник на Лукашенко, Светлана Тихановска, која, според властите освоила 10,09 проценти од гласовите, поради својата безбедност беше принудена да избега во Литванија.

Тихановскаја: Донесов тешка одлука да ја напуштам земјата и знам дека многу ќе ме мразат за тоа

Западните лидери ги осудија насилствата во Белорусија. ЕУ оцени дека изборите не биле ниту слободни, ниту фер.

КИДНАПИРАЊА на улица, криење гласови и многу насилство: Надреални снимки од улиците во Белорусија откако Лукашенко прогласи победа (ФОТО/ВИДЕО)