Најмалку 28 луѓе вчера загинаа во пожар во фабрика за чевли во југоисточна Кина, откако огнот што ја зафатил повеќекатницата ги заробил работниците на покривот, објави „Ројтерс“.

Пожарот избувнал околу пладне во градот Џинџијанг, во фабриката на производителот на обувки „Хуитенг“.

Во моментот кога избувнал пожарот, во фабриката имало вкупно 239 луѓе.

Од нив, 213 биле евакуирани, а две жртви починале откако биле пренесени во болница на лекување. Уште 26 луѓе, кои претходно биле пријавени како исчезнати, биле пронајдени мртви.

Видеоснимки објавени од државните медиуми покажуваат како пламенот ја голта зградата, додека густ црн чад се издигнува кон небото.

At least 28 dead after a massive fire tore through the Huiteng Shoes factory in Jinjiang, Fujian province, China. The blaze broke out around noon on Thursday and spread fast through a multi storey building packed with adhesives and raw shoe making material. Workers were seen… pic.twitter.com/F2QNDKddO8

— G K Gourav (@GouravGKRepots) July 10, 2026

На покривот можеле да се забележат околу десетина луѓе, очигледно заробени од пожарот, додека околу нив се шири чад.

Кинескиот претседател Си Џинпинг изјави дека пожарот „предизвикал значителни човечки жртви“ и дека се случил по низа смртоносни несреќи во производствени капацитети низ земјата во последните месеци.

Си повика надлежните органи строго да ги казнат одговорните за несреќата.

Гаснењето на пожарот и спасувачките операции продолжиле, иако отворениот пламен главно бил изгаснат околу 16 часот, изјавил локален пожарникарски службеник.

Сепак, густ чад сè уште се издигнувал од местото, а повеќе пожарникарски возила продолжиле да прскаат вода до раните вечерни часови.

ВИДЕО | Експлодираше фабрика за огномет во Кина – 26 луѓе се мртви и 61 повреден

Лесно запаливи материјали за чевли

Џинџијанг, кој се наоѓа во крајбрежната провинција Фуџијан, е голем центар за производство на обувки и облека и често го нарекуваат кинеска „престолнина на чевлите“.

Првичните наоди покажуваат дека пожарот започнал на приземјето од фабриката.

Материјалите за производство на чевли складирани во објектот биле лесно запаливи и можеле брзо да го рашират пожарот, изјавил локален претставник за кинеските медиуми.

Поради материјалите и лепилата што се наоѓале во објектот, на местото се чувствувала силна миризба која предизвикувала иритација на очите.

Пожарникарите изјавиле дека големи количини материјали биле натрупани и на скалите, што ги отежнувало спасувачките и противпожарните активности.

Одговорните лица во компанијата и „други релевантни лица“ биле приведени, а банкарските сметки на компанијата биле замрзнати.

Според официјалните податоци, илјадниците компании од секторот за производство на обувки во Џинџијанг во 2024 година произвеле повеќе од 1,2 милијарди пара чевли, што претставува 20 отсто од глобалното производство.

Трагедија во Кина: се запали станбена зграда, најмалку петмина загинаа