Голем пожар утрово избувнал во станбена зграда во кинескиот град Џенгџоу, при што загинале најмалку пет луѓе, а еден човек бил повреден, објави „Чајна дејли“.

Според локалното Биро за противпожарна заштита и спасување, пожарот избувнал во 7:51 часот во округот Хуиџи, а зафатил површина од околу 15 квадратни метри.

Противпожарните екипи го изгаснале пожарот околу 15 минути по неговото избувнување, наведоа властите.

По гаснењето бил спроведен целосен претрес и спасувачка операција. Повредената жртва е згрижена и се наоѓа во стабилна состојба, соопштија официјалните лица.

Се спроведува дополнителна истрага за причините за инцидентот.

Еден мртов во пожар во станбена зграда во Кина