Тековното Светско првенство носи една од најизрамнетите трки за „Златната копачка“ во поновата историја, во која дури четворица фудбалери сериозно конкурираат за титулата најдобар стрелец на турнирот.

Лионел Меси, Килијан Мбапе и Ерлинг Халанд веќе ја одредија насоката на своите настапи уште пред почетокот на Мундијалот, а нивната ефикасност доведе до ретка ситуација – по петти пат во историјата на Светските првенства тројца фудбалери да постигнат по седум или повеќе голови на еден турнир.

На оваа елитна листа сега се приклучува и Хари Кејн, кој по одличните настапи се искачи на шест погодоци и останува во игра за самиот врв на стрелците.

This is the greatest golden boot race ever man

Olise pushing Mbappe
Odegaard pushing Haaland
Infantino pushing Messi pic.twitter.com/rEaa8j1MzU

— fan 🇵🇹 (@NoodleHairCR7) July 5, 2026

Она што ја прави оваа трка уште поинтересна е фактот што сите четворица имаат простор да го зголемат својот учинок, со оглед на тоа што дел од нивните репрезентации веќе се пласираа понатаму, а останатите ги очекуваат клучни елиминациски натпревари.

Историјата покажува колку е ретка ваквата ситуација. Од 1978 година, само на неколку Светски првенства најдобриот стрелец постигнал повеќе од шест голови. Еден од највпечатливите примери е Мундијалот во 2002 година, кога Роналдо постигна осум голови и го предводеше Бразил до титулата, додека на Мундијалот во Катар 2022, Килијан Мбапе исто така стигна до осум погодоци, но трофејот замина во рацете на Аргентина и Лионел Меси.

И токму тие двајца повторно се во центарот на вниманието, но овојпат со многу посилна конкуренција која најавува трка што може да влезе во историјата како една од највозбудливите досега.

ВИДЕО | Мундијалски вести: Халанд ги превесла „кариоките“, Англија го преживеа пеколот на „Ацтека“