Само неколку минути по блескавата партија на Ерлинг Халанд во осминафиналето на Светското првенство против Бразил, фудбалскиот свет повторно се разбуди со нова трансфер-бура околу норвешкиот голгетер.

Овојпат во центарот на вниманието е неговиот татко и поранешен фудбалер, Алф-Инге Халанд, кој во интервју за DAZN отвори нов бран шпекулации околу иднината на напаѓачот на Манчестер Сити. Иако Халанд е под долгогодишен договор со англискиот шампион, изјавите повторно ја разгореа темата за евентуален трансфер во Реал Мадрид.

„Секој сака да игра за Реал Мадрид и да ја освои Лигата на шампионите. Дали би сакал да го видам таму? Можеби, можеби… никогаш не се знае во фудбалот“, изјави Алф-Инге Халанд, додавајќи дека во моментов неговиот син е задоволен во Манчестер.

Овие зборови веднаш предизвикаа реакции во европските медиуми, кои ги толкуваат како сигнал дека „вратите кон Сантијаго Бернабеу“ не се целосно затворени, и покрај стабилната ситуација на Халанд во Сити, каде што има договор до 2034 година.

Сепак, во вториот дел од разговорот, Алф-Инге се обиде да ја смири ситуацијата, нагласувајќи дека нема простор за брзи заклучоци и дека неговиот син е целосно фокусиран на актуелните обврски.

„Не сакам многу да зборувам за избори во други клубови. Тој е среќен во Манчестер Сити и има долг договор“, додаде тој.

И покрај обидот за смирување на страстите, изјавите повторно ја отворија темата за иднината на една од најголемите светски ѕвезди, а европските медиуми веќе најавуваат нова епизода во сагата околу можниот трансфер на Ерлинг Халанд во Реал Мадрид.

Неверојатно: Бразил повеќе од две децении не победил европска репрезентација во нокаут фаза на Мундијал

Со поразот од Норвешка за Бразил продолжи црната низа долга 24 години