Со Вардар ја освои Европа, „кралот“ на голманите најави пензија! (ВИДЕО)
Еден од најдобрите ракометни голмани во историјата, Арпад Штербик на крајот од оваа сезона ќе ја заврши трофејната кариера, пренесуваат унгарските медиуми каде што настапува за Веспрем на нашиот Дејан Манасков.
Поранешниот репрезентативец на Југославија, и Србија и Црна Гора, роден во Сента, ќе ја заврши професионалната кариера на 40-годишна возраст.
Во сезоната 2016/2017 со Вардар ја освои титулата во Лигата на шампионите, а уште трипати беше европски првак во 2006, 2008 и 2009 година.
Штербик, кој на репрезентативно ниво со Шпанија по еднаш беше европски и светски шампион, одби да го продолжи договорот со Веспрем, бидејќи сака да ја заврши кариерата.
Во 2005 година беше прогласен за најдобар голман на светот, со репрезентацијата на Југославија освои две бронзи на светските шампионати во 1991 и 2001 година.