Избраниците на селекторот Игор Ангеловски после болните порази во јуни дома од Полска и Австрија, на гостувањата во Израел и Летонија ќе се обидат да ги надополнат тие шест бодови и комплетно ги вратат надежите во овие квалификации за учество на наредниот континентален собир.

Доколку продолжат негативните резултати, тогаш полека популарните „рисови“ ќе се фокусираат, иако сеуште е рано да се говори, полуфиналето во Лигата на нации во март 2020 против Косово во Скопје, односно во чие натпреварување кое можеби е најдобра опција за нас, ни се потребни само уште две победи за историски пласман на ЕУРО.

Како што најави селекторот Игор Ангеловски, неизвесен е настапот на капитенот Горан Пандев, тренира Аријан Адеми, па ситуацијата со подготвеноста на фудбалерите ќе го одреди почетниот состав вечерва против Израелците.

– Секогаш кога ќе дојдам тука со репрезентацијата, подготвен сум да дадам максимум. Така е и со сите играчи. Лесно е да се каже со зборови дека очекувам шест бодови, и тоа е можно и на теренот, но треба да го дадеме максимумот.  Сега треба да го добиеме Израел, и потоа со поголема самодоверба да играме и со Летонија и таму да победиме – изјави Алиоски.

Квалификации за ЕП 2020

Израел-Македонија (денеска, 20.45 часот)

После четири кола во Г групата лидер е Полска со 12 бода, Изреал има 7, а по нив следуваат Австрија 6, Словенија 5, Македонија 4, Летонија 0.