Преку кампањата „Ние сме Европа“ Секретаријатот за европски прашања, во соработка со Владата ќе ги претстави придобивките неопходните реформи и начините како членството во Европската Унија ќе го заштити и зајакне македонскиот идентитет.

Вицепремиерот задолжен за европски прашања, Бојан Маричиќ денеска ја промовираше кампањата и најави дека караванот ќе опфати осум градови со повеќе теми и тоа Скопје каде темата ќе биде економија, Струмица – труд и социјална политика, Прилеп – земјоделие, Битола – култура, Охрид – туризам, животна средина, Тетово – млади, Штип – инфраструктура и Куманово – енергетика.

Првиот настан е во Скопје на 30 август и ќе го отвори премиерот Димитар Ковачевски, информираше вицепремиерот Маричиќ.

Активностите, како што дополни, ќе вклучуваат посета, средби со целни групи кои се заинтересирани да прашаат нешто конкретно за темата и генерално за процесот на пристапување.

Во секој град ќе се одржува и трибина каде што ќе биде отворена за присуство на сите граѓани, рече вицепремиерот.

Тој информираше дека кампањата е во рамки на напорите Република Северна Македонија да ги исполни стратешките цели и да ги приближи граѓаните кон евроинтеграциите.