Неколку расположени кошаркари имаше во екипата на МЗТ Скопје Аеродром оваа вечер на финалниот меч од завршниот турнир од Купот „Благоја Георгиевски-Буштур“.

Во финалето играчите на Васко Атанасов доминираа против домаќинот МКК Куманово со триумф од 96:70.

На крајот, МВП признанието го доби играчот на МЗТ, Мек Смит Мексвејн, кој за 22 минути во играта реализираше 23 поени 3/4 за три поени, 6/9 во обидите за два поени, и 2/2 за еден поен).

Американецот ги надополни и со три асистенции, два скока и една блокада, кои му донесоа 26 индексни поени.

МЗТ со убедливата победа во финалето дојде до 14. пехар во Купот на Македонија – четврти по ред.

МЗТ Скопје со три победи и вкупни плус 75 поени разлика дојде до пехарот совладувајќи ги Работнички (+31 кош разлика), Кожув (+18) и МКК Куманово (+26).

МЗТ уште еднаш ја потврди доминацијата во македонската кошарка