Случајот Арнаутовиќ: Расизам на терените и политизација на Евро 2020

epa09268331 Marko Arnautovic (R) of Austria talks with Ezgjan Alioski of North Macedonia after the UEFA EURO 2020 group C preliminary round soccer match between Austria and North Macedonia in Bucharest, Romania, 13 June 2021. EPA-EFE/Robert Ghement / POOL (RESTRICTIONS: For editorial news reporting purposes only. Images must appear as still images and must not emulate match action video footage. Photographs published in online publications shall have an interval of at least 20 seconds between the posting.)

Германските и австриските медиуми го анализираат испадот кој се случи на дуелот помеѓу Македонија и Австрија.

Австрискиот репрезентативец денеска заработи суспензија од еден натпревар поради навредите на национална и расна основа упатени кон Езџјан Алиоски на натпреварот од првото коло.
УЕФА ексресно реагираше по вчерашната пријава на ФФМ и денеска го суспендира на еден натпревар австрискиот репрезентативец, а целиот случај го анализираа и германските медиуми, пишува „Дојче Веле“.
„Сè уште има многу претпоставки за вистинската причина за целата возбуда. Што точно рече Австриецот Марко Арнаутовиќ по неговиот погодок против Северна Македонија за 3-1?

Тоа биле неколку ‘вжештени зборови во емоцијата на играта, за кои би сакал да се извинам’, според образложението на напаѓачот; ‘националистички изблик’, според мислењето на македонската фудбалска федерација. Во секој случај, очигледно беше толку несоодветно, што неговиот колега Давид Алаба беше принуден силно да го стисне Арнаутовиќ за вилицата”, пишува германскиот весник Зиддојче цајтунг, констатирајќи:

Официјално: Стигна казната од УЕФА за Арнаутовиќ за навредите кон Алиоски!

„Исправно е дека, по кратко одложување, надлежното тело на Европската фудбалска унија (УЕФА) сега ја презема работата во свои рацe. Но, избрзани пресуди се несоодветни, допрва треба да се разјасни дали зборовите на Арнаутовиќ биле националистички, расистички, навредливи или ништо од горенаведените. Но, кога фудбалската федерација на Северна Македонија формулираше официјална протестна нота до УЕФА и се пожали на ‘националистичка навреда’ од страна на поранешниот напаѓач на Вердер Бремен, причината автоматски го потенцира основниот тенор на турнирот: колку е политичко и политизирано ова Европско првенство“, истакнува весникот, кој меѓу примерите за засилена политизација на ЕУРО 2020, како на пример рускиот протест за амблемот на дресовите на Украина го наведува и примерот со протестот на Грција за македонските дресови.

Целиот текст може да го прочитате на следниот ЛИНК.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот