Официјално: Стигна казната од УЕФА за Арнаутовиќ за навредите кон Алиоски!

epa09268331 Marko Arnautovic (R) of Austria talks with Ezgjan Alioski of North Macedonia after the UEFA EURO 2020 group C preliminary round soccer match between Austria and North Macedonia in Bucharest, Romania, 13 June 2021. EPA-EFE/Robert Ghement / POOL (RESTRICTIONS: For editorial news reporting purposes only. Images must appear as still images and must not emulate match action video footage. Photographs published in online publications shall have an interval of at least 20 seconds between the posting.)

Вчера Европската фудбалска куќа информираше дека ќе започне истрага против австрискиот репрезентативец Марко Арнаутовиќ поради вербалните навреди кон македонскиот репрезентативец Езџан Алиоски на натпреварот од Европското првенство.

Веднаш по барање на Фудбалската федерација на Македонија (ФФМ) која изрази остра осуда на инцидентот по погодокот на Арнаутовиќ и побара најстрога казна за Австриецот, УЕФА започна со постапката.

– Како „Куќа на фудбалот“ секогаш сме против национализам, дискриминација и сите други форми на навреди и испади кои не се во духот на фудбалот и вредностите за кои сите заедно се залагаме. Секогаш ќе застанеме и ќе ги браниме интересите и достоинството на македонските репрезентативци каде и да настапуваат – информираа тогаш од ФФМ.

Фото: Принтскрин/disciplinary.uefa.com

Инцидентот се случи во 89 минута кога Арнаутовиќ стрелаше во мрежата на Столе Димитриевски, по што веднаш упати вербални навреди кон Алиоски.

Денеска од УЕФА стигна казната за австрискиот репрезентативец, телото за жалби на УЕФА ја објави следната одлука според Дисциплинските регулативи на УЕФА.

– Суспензија за играчот од австриската репрезентација, Марко Арнаутовиќ од еден натпревар, односно за следниот натпревар под капата на УЕФА за навреда на друг играч.

Така, Австријците ќе настапат без Арнаутовиќ на дуелот против Холандија утре од 21.00 часот во Амстердам, но ќе го имаат на располагање за мечот со Украина.

Видео на денот