Криминалистиката полиција на Република Српска во соработка со колегите од Србија и Словенија изведе опсежна акција во која покрај старлетата Тијана Ајфон е уапсен, а потоа е пуштен и познатиот словенечки судија, Славко Винчиќ.
Винчиќ кој има значка на УЕФА е приведен заедно со уште 36 лица во близина на Бјелина, а на словенечките медиуми им признал дека бил на забава во која имало рација и поголемиот дел од гостите не ги познавал.
– По состанокот со деловните партнери бевме повикани на еден ранч да прославиме и гоприфативме повикот. Таму имаше 40-тина луѓе и речиси никого не познавав. По полициската рација бевме однесени на информативен разговор каде објаснив дека не познавам никого од тие луѓе по што ме пуштија и можев да се вратам дома во Словенија – изјави Винчиќ за словенечките медиуми.
Полицијата соопшти дека во акцијата „Кристал“ дека биле пронајдени и одземени 14 пакети кокаин, медицинска дрога, 10 пиштоли, три панцири, телефони, лаптопи за кое се сомнева дека припаѓаат на меѓународна криминална група, која се занимава со дрога и оружје .
