Цените на нафтата пораснаа утрово поради неизвесноста околу наоѓање решение за конфликтот на Блискиот Исток, при што суровата нафта брент достигна 93,01 долари за барел.

Фјучерсите за сурова нафта брент за испорака во август на лондонската берза ICE Futures се тргуваат по 93,01 долари за барел, што е зголемување од 1,89 долари во однос на претходното затворање. Фјучерсите за сурова нафта WTI за јули се зголемија за 2,21 долари на 89,57 долари за барел во електронското тргување на њујоршката стоковна берза.

Во текот на викендот, САД и Иран разменија предлози за нацрт-договор со кој ќе се продолжи прекинот на огнот и ќе се отвори Ормускиот  Теснец, но степенот на напредок во преговорите останува нејасен. Претседателот на САД, Доналд Трамп, исто така, го повтори своето барање Техеран да ја суспендира својата нуклеарна програма и целосно да го врати статусот на Ормускиот Теснец како отворена меѓународна транспортна „артерија“, според „Трејдинг економикс“.

Поскапувањето на нафтата на Русија ѝ носи милијарди евра

Цените на нафтата паднаа во мај, но сепак се покачени во споредба со нивоата пред војната, објавува Танјуг.