Актерката Скарлет Јохансон поднесе тужба во судот во Лос Анџелес против „Дизни“. Имено, таа ќе тужи за прекршување на договорот бидејќи  филмот „Црната вдовица“ бил објавен и на стриминг платформата  „Дизни+“, пренесува „The Wall Street Journal“.

Филмот бил објавен истовремено на сервисот за гледање на интернет и во кино салите, а во тужбата се наведува дека станува збор за директно кршење на договорот помеѓу ѕвездата и компанијата. Јохансон вели дека во договорот, нејзината исплата била поврзана исклучиво со прикажување на филмот во кино салите.

 

View this post on Instagram

 

A post shared by Black Widow (@black.widow)

„Дизни“ одговорил во четвртокот велејќи дека „нема никаква подлога за ова поднесување“ и дека тужбата е „особено тажна и вознемирувачка во нејзиното неумесно игнорирање на ужасните и продолжени глобални ефекти на пандемијата“.

„Дизни“ целосно го испочитува договорот на г -ѓа Јохансон и исто така, објавувањето на „Црната вдовица“ на „Дизни+“ со „Премиер“ пристап значително ја зголеми нејзината способност да заработи дополнителен надоместок, покрај 20-те милиони долари што ги добила до сега“, изјави портпаролот на „Дизни“.

Филмот „Црната вдовица“ излезе на 9 јули и многу брзо заработи 80 милиони долари само во американските кина и уште 60 милиони долари на глобално ниво, благодарение на стриминг услугата „Дизни +“. После тоа, успехот на филмот донекаде ослабна, досега вкупната глобална заработка на филмот е околу 318 милиони долари, што не е преголем успех за филм на „Марвел“.