Уште еден ракометар се раздели со екипата на Вардар, интернационалецот од Словенија, Домен Сикошек Пелко.

Според најавите овој играч од следната сезона ќе ги брани боите на шпанскиот клуб Логроњо Ла Риоха.

– Скопје, ти благодарам за сè. Беше чест да се игра за голем клуб. Се надевам дека ќе се вратам еден ден. Имам многу спомени. Најдобрите навивачи во Европа – напиша Сикошек Пелко на Фејсбук.

Претходно „црвено-црниот“ дрес го напуштија Калифа Гедбан (Адемар Леон), Артурс Кугис, Сергеј Горбок, Сташ Скубе и Данил Шишкарев.

Се најавува доаѓање на францускиот голман Робин Кантегрел, рускиот лев бек Дмитри Санталов, левиот бек на македонската репрезентација Филип Талески и десниот бек Томислав Јагуриновски.

И натаму со тимот на Алушовски се поврзуваат имињата на Ненад Костески, Гоце Георгиевски, Гашпер Храстник, Анхел Фернаден, Еивинг Танген, Лус Стејнс, Мигел Мартинс, Филип Чурлевски, Артсјом Кулак..