Шведскиот фудбалер Даниел Андреас Сундгрен кој го носи дресот на Макаби Хаифа е во голем проблем откако одби да држи натпис со повик за ослободување на израелските затвореници.

Сундгрен кој има 33 години е еден од најважните фудбалери на Макаби, но неговата иднина во овој клуб сега е доведена во прашање.

Израелскиот министер за национална безбедност, Итмар Бен-Гвир вчера и официјално побара од министерот за внатрешни работи Мош Арбел на Сундгрен и уште неколку фудбалери кои одбија да држат таков натпис да им се одземе работната дозвола. Со евентуалното одземање на дозволата тие би немале право да настапуваат за Макаби.

Изралеците сметаат дека таквиот потег е „понижување за израелските заложници“. Засега министерот за внатрешни работи не реагирал со одземање на работните дозволи, меѓутоа зборовите на првиот човек на Макаби Итзик Овадио најавуваат дека тој повеќе нема да биде член на клубот.

„Сите кои не се сочувствуваат со болката на Израелците нема да бидат членови на клубот“, изјави Овадио.