Поранешниот вицеканцелар и поранешен лидер на Партијата на слобода на Австрија, Хајнц Кристијан Штрахе, денеска беше осуден на 15 месеци условна затворска казна за примање мито, пренесува Еуроњуз.

Во тужбата против него беа вклучени две донации од сопственикот на приватната клиника „Веринг“, Валтер Грубмилер, во износ од 2.000 и 10.000 евра.

Сопственикот на приватна клиника ги префрлил тие пари на партијата која тогаш ја водел Штрахе, а според наводите на обвинителството за економски криминал и борба против корупцијата, станува збор за поткуп.

Штрахе се обиде да го измени Законот за фондот за финансирање на приватно здравствено осигурување во Собранието, а на тој начин клиниката Грубмилер ќе можеше да добие средства од тој фонд.