Правилна нега на ноктите значи редовна хигиенска навика, правилно сечење, адекватни обувки и здрава исхрана. И не само на ноктите на рацете туку и на нозете. И најчесто ноктите на нозете повеќе „страдаат“ кога зимно време долго време не се хидрираат, а и поради самиот факт дека „не ги гледаме“ пред себе, па не им посветуваме толку внимание.

Да не заборавиме:

Ноктите на нозете треба да ги сечете рамно, не многу длабоко и обликувајте ги со турпија. Избегнувајте длабоко засекување, за да не ви се случи да ви „прирасне“ ноктот во месото на прстот. Следете и каква боја имаат, дали ви се меки/груби.

Важна мерка во превенцијата е употреба на квалитетни и удобни обувки, кои нема да го менуваат физиолошкиот однос и структурата на стапалото, не ве стегаат и не ви прават чувство дека „не ви се точни“.

Нега на ноктите подразбира и редовен педикир и маникир.

Педикирот подразбира употреба на стерилни инструменти, чистење на кожата, масажа, етерични масла, обработка на ноктите, хидратантни креми и специјални ексфолијантни чорапи.

Да не заборавиме:

Здравата исхрана е најважна и за здравјето на ноктите. Ако се сеќавате, како мали кога ќе ни се појавеше бела „месечинка“ на ноктите, веднаш ќе ни кажеа „не внесуваш доволно витамини“. И навистина е така, тоа не е воопшто мит. Внесот на витамин Е, B, C, D, цинк, калциум се битни заа раст и глатки и сјајни нокти и плочки.

Затоа, пред ладните денови, посветете се на вашите нокти и не ги грицкајте, туку пружете им ја вистинската и соодветна нега.