Големите несогласувања помеѓу Унијата на професионалните фудбалери во Шпанија (АФЕ) и Ла Лига од една и Фудбалската федерација на Шпанија (РФЕФ) од другата страна, кулминираа откако во јавноста се појави аудио снимка од еден од последните состаноци.

Ла Лига најави дека нивните претставници повеќе нема да доаѓаат на средбите со РФЕФ и ги обвини претседателот на Федерацијата Луис Рубијалес и генералниот секретар Андреу Кампоса дека тие ја пуштиле во јавност аудио снимката.

Кавгите започнаа кога АФЕ ја обвини Федерацијата дека намерно ја објави аудио снимката од состанокот со Ла Лига по што се добива погрешна слика во јавноста за случувањата во преговорите.

„Ла Лига повеќе нема да доаѓа на состаноците кои поради коронавирусот ги организира РФЕФ по се што се случи со снимките кои излегоа во јавноста. Ќе контактираме преку комисијата за мониторинг која е формирана на 3. јули 2019 гофина каде дел од координацијата помеѓу Ла Лига е РФЕФ.

Ла Лига ќе презеде правни мерки вклучувајќи ја и жалбата против претседателот и генералниот секретар на РФЕФ пред Националниот спортски суд поради прекршување на овластувањата и изнесување во јавност податоци кои можат да му донесат штета на спортот. Исто така ќе се жалиме и во Агенцијата за заштита на податоци поради кршење на неколку забрани.

Протоколот за враќање на тренинзите е проучен, прегледан и одобрен за екипите од Ла Лига. Протоколот ќе им биде проследен на сите екипи и приватни компании кои ќе присуствуваат на наредниот состанок и ќе биде проследен и во Националниот спортски суд и во надлежните здравствени организации“, стои во соопштението на Ла Лига.