Селекторот на репрезентацијата на Шпанија, Луис Енрике денеска повика шест нови фудбалери во „паралелниот меур“ и кои може во последен момент да влезат во тимот кој ќе настапи на Евро 2020. Наместо А репрезентацијата, на пријателскиот натпревар против Литванија ќе настапи селекцијата до 21 година.

Селекторот Луис Енрике беше принуден на план Б откако Серхио Бускетс беше позитивен на коронавирус и веднаш го напупти капот на репрезентацијата. Останатите шпански репрезентативци се наоѓаат во своевиден меур кој не смеат да го напуштат во наредните неколку дена и секојдневно ќе бидат тестирани на коронавирус.

На вчерашното тестирање сите фудбалери беа негативни, но селекторот Енрике и Фудбалската федерација на Шпанија одлучија д ане препуштат ништо на случајот и организираа „паралелен меур“, а исто така го откажаа настапот на А репрезентација против Литванија.
Луис Енрике во „паралелниот меур“ ги повика Родриго Морено, Пабло Форналс, Карлос Солер, Раул Албион, Брис Мендез и Кепа Аризабалага.