Шокантни резултати на УЕФА: Загубите на европските екипи поради пандемијата изнесуваат повеќе од осум милијарди евра
Европската фудбалска федерација објави какви последици претрпе фудбалот поради пандемијата на коронавирусот.
УЕФА објави извештај за проценка на штетата која настана во европскиот фудбал поради пандемијата на коронавирусот. Економските експерти и УЕФА се убедени дека фудбалските екипи во Европа претрпеа штета од дури 8.7 милијарди евра.
Студијата покажа дека ниту еден клуб не бил поштеден од последиците од кризата која настана со ширење на коронавирусот, а загубите за сезоните 2019/20 и 2020/21 не биле помалку од 10 проценти.
За време на овие две сезони, УЕФА процени дека вкупните загуби во сите 55 европски национални шампионати изнесуваат 8.7 милијарди од кои дури 7.2 милијарди ера за најважните 711 клубови.
Вклучувајќи ги веќе објавените извештаи и пресметки, како и новите преговори и договори за ТВ правата и останати други параметри, се смета дека извештајот на УЕФА кој има дури 112 страници е досега најпрецизен кога станува збор за влијанието на пандемијата на коронавирусот.