Најголемиот кандидат за титулата во Мајами, Шпанецот Карлос Алкараз доживеа елиминација уште во првото коло, а подобар од него беше белгискиот ветеран Давид Гофан кој во овој момент е 55-ти тенисер на АТП листата.

Алкараз не беше ниту сенка на тенисерот кој веќе го освои еднаш овој турнир и кој го „брка“ првото место на АТП листата.

Шпанскиот тенисер го доби првиот сет, но потоа попушти и му дозволи на Гофан да доминира на теренот ( 5:7, 6:4, 6:3).

Од друга страна за Гофан ова не беше првпат да го совлада Алкараз, подобар од него беше и во 2022 година во Астана, исто така на тврда подлога. Сметајќи ги овие две победи против Алкараз, Белгиецот нанижа три триумфи над ривали од првата тројка бидејќи минатата година го победи и Александар Зверев.

„Ги сакам ваквите мечеви на најголемите стадиони“, изјав по малку заборавениот Гофан по победата.

Во 2017 година  Белгиецот беше и седми тенисер во светот, но потоа се соочи со проблеми со повредите.

Медведев рано го заврши настапот во Мајами, елиминиран и Кирјос

Ѓоковиќ се израмни со Рафа Надал на „вечната“ мастерс листа