Само првопласираниот од таа прелиминарна група Б водеше во главната рунда, Шкупи во решавачкиот трет меч со 3:2 го совлада летонскиот Даугавпилс.

Стрелци на головите за Шкупи беа Сефери (04:26 мин.), Бериша (12:06) и Петровиќ (35:42), а за Летонците двоен стрелец беше Рашчевскис (23:52, 32:36).

Претходно во првите две кола беа убедливи футсалците на Шкупи триумфирајќи над Кардиф од Велс со 5:0 и против Енкамп од Андора (11:1).

УЕФА ги објави и официјално групите од главната рунда на ЛШ, Шкупи ќе игра во групата 6, а домаќин на тој турнир ќе биде Ново Вријеме Макарска од Хрватска кој директно беше пласиран во оваа фаза.

Освен Шкупи и Ново Вријеме Макарска, на овој турнир ќе играат уште Омонија Никозија од Кипар и Лео Футсал Клуб од Ерменија.

Натпреварите ќе се играат од 8-13 октомври 2019 година, а само првопласираната екипа ќе обезбеди настап во елитната рунда.