Селекторот на Шкотска, Стив Кларк, го објави списокот од 26 фудбалери за претстојното Светско првенство, кое ќе се одржи во САД, Канада и Мексико. Шкотите во групата „Ц“ ќе играат против Хаити (14 јуни), Мароко (19 јуни) и Бразил (24 јуни).

Првите два натпревари ќе се играат во Масачусетс, додека последниот дуел од групната фаза ќе биде во Мајами.

Шкотска на 30 мај ќе одигра пријателски натпревар против Курасао на „Хемпден парк“, а последната проверка пред Мундијалот ќе ја има против Боливија на 6 јуни во Њу Џерси.

Кларк и понатаму има доверба во јадрото на тимот и ретко прави промени во националниот состав. Во тимот се наоѓаат осум дефанзивци и седум играчи од средниот ред кои беа дел од целиот квалификациски циклус.

Најголем проблем Шкотите имаат на голманската позиција. Голманот на Хартс, Крег Гордон, доби повик и на 43-годишна возраст, иако сезонава не беше стандарден, исто како и чуварите на мрежата на Нотингем форест, Ангус Ган, и Лијам Кели од Ренџерс.

Тројцата голмани заедно имаат само 15 настапи сезонава, сметајќи ги и клупските и репрезентативните натпревари.

Нојер во голем стил се враќа на голот на Германија – ќе биде прв голман на Мундијалот

Aнчелоти на Мундијалот не повика напаѓач кој даде 20 гола во Премиер лигата

ФОТО | Aнчелоти го објави списокот на Бразил и го израдува Нејмар